Узбагаціць сваю моўную скарбонку. Як прайшла дыктоўка па творах Якуба Коласа ў музеі беларускага песняра

21.02.2019 - 21:45

Навіны Беларусі.  Магчымасць узбагаціць сваю моўную скарбонку ў Дзень роднай мовы падараваў музей Якуба Коласа, паведамілі ў праграме Навіны «24 гадзіны» на СТБ. Усіх жадаючых запрасілі напісаць дыктоўку па творах беларускага песняра.

Вядома, што Колас і сам лічыцца адным са стваральнікаў сучаснай літаратурнай мовы. Радкі з коласаускіх твораў узгадала і Яна Шыпко.

Канешне, яны адразу пазнаюць, адкуль гэты урывак. Зразумела – будучыя настаўнікі. Таму і вобраз Лабановіча з «На росстанях» такі блізкі, і радкі з дыктоўкі ўспрымаюцца з асаблівым пачуццём.

Творчая спадчына Коласа – сапраўдны літаратурны скарб. Па творах класіка можна вывучаць беларускую мову – такое ў іх багацце, разнастайнасць і сакавітасць роднага слова.

Колас і сам як носьбіт жывой гутарковай мовы, выпешчанай на народнай глебе, фальклор пачаў збіраць яшчэ з семнаццаці гадоў.

Здаецца, моцны талент і творчая энэргетыка Коласа паўплывалі і на яго малодшага брата. Міхась Міцкевіч нават у эміграцыі у ЗША клапаціўся аб беларускай мове і яе распаўсюджванні. Самаідэнтыфікацыі беларусаў і моўнаму пытанню прысвечаны шматлікія публікацыі.

На радзіму Марыя Міцкевіч прывезла унікальныя сшыткі – рукапісны пераклад Евангелля, зроблены Міхасём Міцкевічам з царкоўнаславянскай на беларускую мову. Убачыць рукапіс на свае вочы можна толькі сёння, але ж электронная версія ўжо даступная чытачам Нацыянальнай бібліятэкі.

Незалежна ад вынікаў дыктоўкі адзнакі «выдатна», без сумнення, заслугоўвае тое, з якім энтузіазмам моладзь адгукнулася на прапанову незвычайна адсвяткаваць Дзень роднай мовы. Тым часам арганізатары акцыі мяркуюць: тэндэнцыя, калі беларуская мова натуральна гучыць нават у штодзённым жыцці, будзе пашырацца. А гэта тое, аб чым калісьці марыў класік.

Падрабязна – у відэаматэрыяле

Люди в материале: нет
Loading...


«Дети нарезали целый сноп колосьев, перевязали васильками». Как шестиклассник Бодров-младший оказался на похоронах у Короткевича



О белорусском писателе рассказали в одной из серий документального цикла «Тайны Беларуси».

Вячеслав Рагойша, доктор филологических наук, профессор БГУ:
Прыходзіць тэлеграма ад Мальдзіса: памёр Валодзя Караткевіч. Назаўтра, па–мойму, пахаванне. Мы были на хутары і якраз у гэты час прыехалі Бадровы.

А я расказаў старшаму Сяргею Бадрову, сцэнарысту, пра Караткевіча. Пазнаёміў нават іх аднойчы. Начаваў у нас гэты Сяргей Бадроў. Хацеў, каб ён напісаў які-небудзь сцэнарый па матывах яго твораў.  Паралельна я пра Купалу расказваў, пра смерць Купалы. І Бадроў зацікавіўся і хацеў сцэнарый напісаць гэты.

Адным словам, ён ведаў Караткевіча, Бадровы ведалі. І тут і яны даведаліся. Мы вырашылі што зрабіць. Дзеці – Бадроў-малодшы і наш Максім – яны, па сутнасці, равеснікі былі, былі у шостым ці сёмым класе. Мы падказалі ім ідэю –  «Каласы пад сярпом тваім». Трэба ж нейкі ці вянок, ці букет. І яны нарэзалі цэлы сноп каласоў, набралі ў жыце васількоў, зрабілі пярэвісла такое, перавязалі васількамі гэты сноп, надламалі мы і паехалі. Назаўтра паехалі ўсё, і Бадровы паехалі.  І мы прынялі ўдзел у пахаванні на могілках Усходніх. Паколькі я – адзін з бліжэйшых сяброў – я дапамагаў несці труну з машыны да гэтай магілы.